Lüleburgaz'ın Fethi

Âşık Paşazade (1392–1484) :Elvan Çelebi Köyünde 1392 yılında doğmuştur. Asıl adı Derviş Ahmet’tir. Âşık Paşanın torunudur.  Sultan Çelebi Mehmet zamanında yaşamış olup, devrin savaşlarına katılmıştır. 1484 yılında yazmaya başladığı (Tevarih-i Al-i Osman) Osmanlı tarihinin canlı kaynağıdır. “Aşık Paşazade Tarihi” adıyla meşhur olmuştur.

Vikipedya'da Aşıkpaşazade Tarihi 

 

Aşık Paşazade - Tevarih-i Al-i Osmani

Feth-i Çorlı

Yanto fethinden sonra Çorlı canibine azimet olunub ba’de’l – vusul muhasara olundı. Ve tekürine kabul –i cizye teklif olundukca inadı izdiyad bulup mukateleye israr eyledi. Ahirü-l emr esna-i muharebede bir gazi ok ile gözini mecruh idecek vakt-i fursatdur, deyü askeri yürüyüşe tergib içün şehriyar-ı cihan yağma ferman buyurduklarında sipah-ı İslam-ı ikdam-künan burc-ı hisara su’ud itmeleriyle kal’a feth olunup enva-i ganayim ile muğtenim oldılar. Ve tekür-i mecruh giriftar, kayd-ı  isar  ve emr-i şehriyarı vasıl-ı serhadd dimar olup ba’du hedme’l – Misivri canibine imale-i i’lam-ı nusret – medar olundı. Teküri cenge muktedir olmamagla kal’ayı teslim idüp kabul-i akd-i zimmet itdi. Andan Burgaz Kal’asınun küffarı firar itmiş bulunmagla hedm ü tahrib olundı. Bundan akdem Şeh-zade Süleyman zamanında Hacı İl-Big’i  Malgara canibinde tag eteğinde olan kıla’ı zapt ve ol etrafı teshir içün ta’yin olunmuş idi.

762 tarihinde Meric kenarında Burgaz nam bir kal’a feth itmekle anda tahassun idüp ekser-i evkatda küffara akın itdüğinden naşi ganayim ile muğtenim olurlar idi. Bir gice Dimetoka teküri asker-i İslam-ı şeb-hun içün kal’asından hüruc itdükte ittika ol gice Hacı İl-Big’i dahı adeti üzere akına çıkmış bulunmagla iki asker birbirine mülaki olup ceng-i azimden sonra küffar tarmar ve tekürleri giriftar olduğına binaen heman Dimetoka canibine tahrik-i rayat-ı zafer-i şi’ar eylediler. Tekürin oğlı babasınun esir olduğından haberdar olacak, taleb-i aman idüp teslim-i hisar eyledi.Bu feth-i celil vuku bulduğı zamanda Sultan Murad Han, Çorlı ve Misivri teshirine azimet buyurmuşlar idi. 

Haci İl-Big haber-i fethi dergah-ı şehriyariye iblağ içün irsal eyledügi ademler ol esnada vasıl ve kulub-ı müslimine enva-i meserret ü şad-mani hasıl oldı. Ve Evrenos Big dahı sabıka, İpsala canibinde derya kenarında olan hisarları hıfz u iraset ve kurbunda olan kıla’ı dahil-i havza-i hükümet itmege me’mur olmış idi. Bu esnada ol dahı Keşan-kal’ası’nı feth idüp asitane-i pad-şahiye nice hedaya ile yüz sürdi. Ve Hacı İl-Big’i  Dimetoka muhafazası levazımını tanzimden sonra Sultan Gazi, Burgaz üzerinde iken şerf-i pa-bus-ı  şehriyarı ile müşerref olup Dimetoka ganayimindan hedaya-yı bi-şümar arz u takdim itdükte enva-i in’am ve iltifat-ı şahi ile tekrim olundı.